Эрдэнэ Монгол ХХК

Эрдэнэ Монгол ХХК нь Канадын Торонтогийн Хөрөнгийн Бирж болон Монголын Хөрөнгийн Биржид давхар бүртгэлтэй Эрдэнэ Ресурс Девелопмент Корпорейшнийн охин компани бөгөөд 2004 оноос геологи судалгаа, суурь болон өндөр агуулга бүхий үнэт металлын хайгуул, төслийн хөгжүүлэлтийн үйл ажиллагаа явуулж байна. Монгол Улсын баруун урд бүсэд хайгуул, ашиглалтын зөвшөөрлүүдийг эзэмшдэг бөгөөд Хөндий Алтны Дүүрэг, түүнд хамаарах Баян Хөндий болон Алтан Нар ордууд (зайд 16 км), мөн Зуунмод зэс-молибденийн ордыг хөгжүүлж байна. Компани нь Монгол Улсад хамгийн урт хугацаа үйл ажиллагаа явуулж, мэдээллээ ил тод тайлагнадаг гадаадын хөрөнгө оруулалттай уул уурхайн компани юм. 2018 онд Монголын Хөрөнгийн Биржид давхар бүртгэл хийлгэн, 6,000 гаруй Монгол хөрөнгө оруулагчтай болсон.