Энхийн Шүүдэр ХХК

Энхийн Шүүдэр ХХК нь 2016 оны 1-р сараас дуслын шингэн эм үйлдвэрлэж дотоодын зах зээлд гаргаж байгаа. Жилдээ 8 сая уут үйлдвэрлэх хүчин чадалтай энэ үйлдвэр хамгийн сүүлийн үеийн технологи ашиглах бөгөөд дотоодын эрүүл ахуйн норм стандартын шаардлагыг хангаж, олон улсын GMP стандартын үзүүлэлтэнд бүрэн нийцсөн бүтээгдэхүүнийг үйлдвэрлэдэг. Ашигладаг материал, уутны дизайн, хэрэглээгээр гадаад, дотоодын бусад үйлдвэрлэгч нараас ялгаатай. Нахиа ХХК, Мөнхийн Тун ХХК, Цомбо ХХК, Эмийн Үйлдвэр ХХК, Монос Групп ХХК зэрэг томоохон эм үйлдвэрлэгч компаниуд үйлдвэрлэлийг санаачилж хөрөнгө оруулсан. Эдгээр компаниудын туршлага, мэргэжлийн ур чадвар, борлуулалтын сүлжээг ашигласнаар бүтээгдэхүүн ЭХНБ, хувийн болон улсын эмнэлэг, эмийн сангуудаар өргөнөөр борлогдож зах зээлд хурдан өөрийн байр суурийг эзлэж байна.