Эко Вэйв ХХК

Эко Вэйв ХХК нь 2017 онд Биологийн ухааны магистр Б. Хулан-гийн санаачлагаар үүсгэн байгуулагдсан бөгөөд зохицуулах үйлчилгээтэй хүнсний бүтээгдэхүүн үйлдвэрлэгч Монголын анхны компани юм. Нухаш, жигнэмэг, цай болон эрдэст уснуудыг оруулан 50 гаруй төрлийн зохицуулах үйлчилгээтэй хүнсний бүтээгдэхүүн үйлдвэрлэдэг. АХУНА сошификийн жигнэмэгийн цуврал нь зах зээлд гарсан цагаас хэрэглэгчидээс эерэг сэтгэгдэл хүлээн авсаар байна.

Бүтээгдэхүүнүүд нь оюуны өмчийн патентаар хамгаалагдсан бөгөөд шинжлэх ухааны олон жилийн судалгаа дээр суурилдаг. 100% байгалын гаралтай түүхий эд ашиглан, химийн орц найрлагагүй зохицуулах үйлчилгээтэй бүтээгдэхүүн үйлдвэрлэдэг. Компанийн зорилго нь өдөр тутам хэрэглэгдэж буй зохицуулах үйлчилгээтэй хүнсний төрлийг нэмэгдүүлэх, эрүүл мэндийн хоолны боловсролыг ард иргэддээ өгөх замаар Монгол улсын дотоодын үйлдвэрлэлд хувь нэмрээ оруулах явдал юм.