Бурханлиг гоо сайхан

Бурханлиг гоо сайхан нь 2014 онд Гоо хэмээх органик гоо сайхны үндэсний брэндийг үүсгэн байгуулсан. Монгол орны хөрсөнд ургадаг ганга, халгай, нэрс, чацаргана, нохойн хошуу, жамц давс зэрэг түүхий эдүүдийг боловсруулан, уламжлалт анагаах ухааныг орчин үеийн техник технологитой хослуулан 100% органик нүүр, үс, бие арчилгааны бүтээгдэхүүнийг дэлхийн стандартад нийцүүлэн үйлдвэрлэж байна.

Бүтээгдэхүүний орц найрлагад химийн бодис, хугацаа уртасгагч, хиймэл үнэр оруулагч, силкон агуулдаггүй бөгөөд өдөр бүр шинээр үйлдвэрлэсэн цоо шинэ бүтээгдэхүүнээ хэрэглэгчдэд түгээх зорилготой ажиллаж байна. Монголдоо анхлан үндэсний тодотголтой органик гоо сайхны сүлжээ дэлгүүрийн эхлэлийг тавьсан өмнөх үйл ажиллагаанд Улаанбаатар хотод есөн дэлгүүр, 50 гаруй борлуулалтын суваг, хөдөө орон нутагт 60 гаруй борлуулалтын сувагтай байна. 2014-2022 онд 100 гаруй нэр төрлийн бүтээгдэхүүнийг үйлдвэрлэж, 2015-2022 онд АНУ, БНХАУ, ОХУ-д экспортолж, 2022 онд Европын холбооны улсуудад албан ёсоор экспортолох эрхээ авсан. 2023 онд АНУ, Мексик, Канадад албан ёсоор экспортолоход байна.