“Дэлгэр-Уянга" ХХК

«Дэлгэр-Уянга» ХХК нь 1994 оноос Төв аймгийн Жаргалант суманд газар тариалалтын үйлдвэрлэл эрхэлж буй анхны хувийн хэвшлийн аж ахуй юм. 863 га эргэлтийн талбайтай, жилд 80–100 га төмс, 350–500 га буудай, 5 га хүнсний ногоо тариалдаг. Үйлдвэрлэлийн гол чиглэл нь төмсний аж ахуй бөгөөд 2001 оноос төмсний үр үржүүлэх зөвшөөрөл авч, 2004 оноос «Монгол Төмс» хөтөлбөрийн лицензтэй үр үржүүлэгчээр ажиллаж байна.

Голландын Импала, Санте, Романо болон Германы Гала сортын төмсийг цэврээ ба супер элитээс нэг, хоёрдугаар үржүүлгийн үе шатанд үржүүлж, бусад тариаланчдад сайн чанарын үрийн төмсөөр, нийслэлийн хэрэглэгчдийг хүнсний зориулалтын төмсөөр хангаж байна. 2005, 2011, 2014, 2015 онд төмсний ургацаараа Төв аймаг болон Жаргалант суманд тэргүүлэх үйл ажиллагаагараа олон үзүүлэлтийн шагнал, өргөмжлөл хүртээстэй.