Хөдөө Аж Ахуйн Их сургуулийн Дархан-Уул аймаг дахь салбар сургууль

Хөдөө Аж Ахуйн Их сургуулийн Дархан-Уул аймаг дахь салбар сургууль нь 1969 оноос хойш 20 гаруй мэргэжлээр 6574 мэргэжилтэй боловсон хүчин бэлтгэн гаргаж, одоо бакалавр, магистрын зэргийн сургалтыг өдөр, эчнээ, экстернат хэлбэрээр явуулж 19 мэргэжлээр 850 гаруй оюутан суралцаж байна. Байгалийн ухааны гүнзгийрүүлсэн сургалттай лицей ангийн 500 гаруй төгсөгчид их, дээд сургуулиудад элсэн суралцаж байсан.

Байгаль орчныг үнэлэх, хүрээлэн буй орчны мониторинг, ойжуулалт, усны ай савын нэгдсэн судалгаа, хог хаягдлыг дахин боловсруулах төслүүд хэрэгжүүлж байна. Зайны тандан судалгаа ба газрын мэдээллийн сан төв, Бизнес судлалын төв, Экологийн сургалтын төв, Хүнсний ногоо дахин боловсруулах төв, «Ногоон гэр түншлэл төв» зэрэг төрийн бус байгууллагууд сургалт-судалгаа-үйлдвэрлэлийн түншлэлийг бэхжүүлэх замаар төсөлт болон гэрээт ажлуудыг гүйцэтгэж байна.