Монгол - Италийн Төв

Монгол - Италийн Төв нь 2010 онд Улаанбаатар хотноо үүсгэн байгуулагдсан байгууллама бөгөөд Монгол болон Итали орны хэл, соёл, урлаг, боловсрол, аялал жуулчлалын салбарт судлан хөгжүүлэх замаар хоёр орны соёлын гүүр, хамтын хөгжлийн шинэ гарц, найрамдалт харилцааны нэгэн тулгуур болж ажиллаж байна. Төвийг эгнээндээ нэгтгэн Монгол - Италийн Боловсрол, Соёл Судлалын Төв ТББ, Италид Төгсөгчдийн Холбоо ТББ, Италийн Мэдээллийн Төв ХХК, Italian Language School in Mongolia LLC, Турин хот дахь Итали - Монголын Соёлын Төв зэрэг байгууллагууд үйл ажиллагаагаа өргөжүүлэн ажиллаж байна.

Монгол - Италийн Төв нь Перужа хотын Гадаад Оюутны Их Сургуулийн Монгол дахь албан ёсны суурин төлөөлөгч, CVCL-ийн Монгол дахь албан ёсны шалгалт зохион байгуулах цорын ганц эрх бүхий байгууллага болохоос гадна Биелла, Турин, Милан, Кунео хотуудын мэргэжлийн сургууль, академи, институтуудтай урт хугацааны гэрээгээр үйл ажиллагаа явуулж байна. Төвөөс Итали хэлний толь бичиг, сурах бичиг, мэргэжлийн үг хэллэг бүхий өврийн толь зэрэг олон бүтээлийг бэлтгэн нийтэлсэн байдаг.