Баянгол дүүргийн Усан спорт сургалтын төв, Фитнес

Баянгол дүүргийн Усан спорт сургалтын төв, Фитнес нь 2014 оны 3 дугаар сарын 1 өдрөөс үйл ажиллагаагаа явуулж эхэлсэн амралт, чөлөөт цаг, нийтийн эрүүл мэндэд зориулсан биеийн тамирын цогцолбор юм. 1-р байр нь Баянгол дүүргийн 7 дугаар хороо, 4 дүгээр хорооллын эцэст байрладаг бөгөөд эрүүл ахуйн стандартын шаардлага хангасан 25 метр урттай хос замтай усан сан болон фитнес төвтэй. 2-р байр нь 2021 оны 3 дугаар сарын 1 өдрөөс ашиглалтад орсон бөгөөд Баянгол дүүргийн 15 дугаар хороо, Энэбишийн гудамж дээр байрладаг. Олон улсын жишигт нийцсэн 25 метрийн урттай 4 замтай 300 хүний суудалтай усан сан, гар бөмбөг, сагсан бөмбөгийн заалтай, жүдо бөх, чөлөөт бөх, таеквондо, боксын бэлтгэлийн заалтай, шинэхэн бялдаржуулах төв, анхан шатны яаралтай тусламжийн алба, чадварлаг багш дасгалжуулагчдын баг чанартай үйлчилгээг үзүүлж байна.