Алтайн хар азарга групп

Алтайн хар азарга групп нь 100 хувь Монгол ажилчдаас бүрдсэн үндэсний компани бөгөөд геофизик, геологийн тойм судалгаа, уул уурхайн зөвлөгөө, гэрээгээр өрөмдлөг, байгалийн ухааны эрдэм шинжилгээ болон туршилт судалгаа явуулдаг. 2007 оноос үйл ажиллагаа явуулж байхдаа олон улсын стандартын шаардлага хангасан өндөр чанартай геологи, геофизикийн мэргэжлийн үйлчилгээг орчин үеийн дэвшилтэт багаж, программ хангамж, чадварлаг боловсон хүчнүүдийн тусламжтайгаар гүйцэтгэдэг. Компани нь хээрийн болон үйлдвэрлэлийн 5-40 жилийн туршлагатай 30 гаран инженер техникийн ажилчид, салбартаа тэргүүлж буй зөвлөх инженер, эрдэмтнүүдээр багаа бүрдүүлэн ажиллаж байна. Бүх төрлийн ашигт малтмалын геологи, хайгуул, өрөмдлөг, геохими, геофизикийн иж бүрэн судалгааг JORC, NI 43-101 зэрэг олон улсын жишиг стандартад нийцүүлэн гүйцэтгэдэг.