Алтайн зам ХК

Алтайн зам ХК нь Монгол орны баруун хязгаар нутагт авто зам, гүүрийн бүтээн байгуулалтыг өрнүүлэх зорилгоор 1935 онд байгуулагдсан арвин их түүхтэй компани юм. Сүүлийн хорь жилд Ховд, Баян-Өлгий, Архангай, Өмнөговь аймгуудын чиглэлээр замын барилга, Ховд аймгийн нисэх буудлын аэродромын асфальтан зурвас зэрэг томоохон төслүүдийг хэрэгжүүлж ISO9001:2008, OHSAS18001:2007 стандартыг нэвтрүүлсэн салбарын анхдагч байгууллага болон ажиллаж ирсэн.

2014 оноос Ховд аймгийн Хөшөөтийн уурхайн хөрс хуулалт, нүүрс олборлолтын төслийг хэрэгжүүлж байгаа бөгөөд одоо 170 гаруй автомашин, техник тоног төхөрөөмжээр жилд 11.5 сая м3 хөрс хуулах, 6.7 сая тонн нүүрс олборлох хүчин чадалтай. Уурхайгаас Ярантын боомт чиглэлийн 311 км урттай авто замын засвар, арчлалтын ажлыг хийж гүйцэтгэх зэрэгцээ 570 гаруй ажилтны 90 хувиас дээш хувьд орон нутгийн иргэдийг авч ажлын байраар хангаж байна.